BAKI, 15 noyabr — Sputnik. ABŞ-ın Konnektikut ştatında qəribə hadisə baş verib. Sputnik Azərbaycan xarici mətbuata istinadla xəbər verir ki, 91 yaşlı Heinz Vonkuti qocalar evində həbs edilib.
Vonkuti qocalar evinə 88 yaşlı həyat yoldaşına baş çəkmək üçün gedibmiş. Onun tutulmasına kişinin həyat yoldaşını öpməyə cəhd etməsi səbəb solub.
Hadisə 13 oktyabrda baş verib. Polislər gələndə kişi həyat yoldaşının otağında olub. Qocalar evinin əməkdaşları bildiriblər ki, ona bir müddətdir ki, həyat yoldaşını öpmək qadağan edilib. Çünki “kişi ağzı ilə ona nəyisə ötürə bilər”.
Polisdən açıqlama veriblər ki, qocalar evinə çağırılmalarına təəccüb etməyiblər. Kişini həyat yoldaşını öpməyə cəhd etməsi səbəbindən 26 dəfə həbs ediblər.
Vonkuti polis idarəsinə aparılıb, barəsində cinayət işi açılıb və evə buraxılıb. Amma ona məhkəməyə gəlməsi ilə bağlı xəbərdarlıq edilib.