Şahpəri Abbasova, Sputnik Azərbaycan
BAKI, 15 noyabr - Sputnik. Qax rayonunda ağır yol-nəqliyyat hadisəsi baş verib. Hadisə gəlinin toyu günü gözəllik salonuna aparıldığı zaman yaşanıb.
Sputnik Azərbaycan-ın bölgə müxbiri xəbər verir ki, rayonun Əmbərçay kənd sakini, Şəfayət Orucov idarə etdiyi "VAZ 21099" markalı avtomobillə qohumu Leyla Əhmədovanı Zaqatalaya gəlin bəzədilməsi üçün aparırmış.
Bu zaman sürücü qəfildən idarəetməni itirib və nəticədə maşın aşıb. Avtomobil yararsız hala düşsə də, xoşbəxlikdən sürücü və sərnişin ciddi xəsarət almayıb.