Ölkənin ikinci şəhərində ticarət mərkəzi yanıb külə döndü

BAKI, 10 noyabr — Sputnik. Rusiyanın ikinci ən böyük şəhəri olan Sankt-Peterburqda "Lenta" hipermarketi yanıb. Sputnik Azərbaycan Rusiya mətbuatına istinadla xəbər verir ki, alovlanan hipermarketin videosu sosial şəbəkələrdə yayılıb.

Fövqəladə Hallar Nazirliyi Peterburq şöbəsindən bildirilib ki, yanğın 4,8 min kvadrat metr ərazini əhatə edib. Yanğın 3-cü çətinlik dərəcəsinə aid edilib.

Qeyd edilir ki, hipermarketdən 800 nəfər evakuasiya edilib.

İlkin məlumatlara görə, yanğın hipermarketin içindəki təndirxanada başlayıb. Şahidlər yanğının tezliklə binanın damına keçdiyini bildirilər.

Artıq binadakı yanğın tam söndürülüb. Olay zamanı 2 nəfər yüngül xəsarət alıb.