BAKI, 8 noyabr — Sputnik. Zimbabvedə ağır yol qəzası baş verib.
Sputnik Azərbaycan xəbər verir ki, bu barədə "Herald Zimbabwe" qəzeti polisə istinadən məlumat yayıb.
Xəbərdə bildirilir ki, hadisə ölkənin şimal-şərqində qeydə alınıb. Rusape şəhəri yaxınlığında iki sərnişin avtobusunun toqquşması nəticəsində 47 nəfər həlak olub. Ölənlər arasında 2 uşağın da olduğu bildirilir.