BAKI, 8 noyabr — Sputnik. Marketlər satışa çıxardıqları çörəyin ən çoxu 5 faizini geri qaytara biləcək. Sputnik Azərbaycan-ın Türkiyə mediasına istinadən xəbərinə görə, Türkiyədə çörək israfının qarşısının alınması üçün maraqlı üsula əl atılıb.
Ticarət Nazirliyinin yaydığı rəsmi məlumatda bildirilir ki, gündəlik olaraq satışa çıxarılan çörək məhsulları ilə yanaşı, digər un məmulatlarının satılmayan ən çoxu 5 faizi istehsalçıya geri qaytarılacaq. Ticarət Nazirliyi bu addımla həm də çörək israfının qarşısının alınacağını proqnozlaşdırır.
Qeyd edək ki, yeni tarifə görə, maksimum qiyməti 1 türk lirəsi olan çörəyə görə istehsalçıya 85 quruş, kiçik çörək zavodlarına isə 80 quruş ödəniləcək.