BAKI, 4 noyabr — Sputnik. İstanbuldakı Atatürk beynəlxalq hava limanında qəza baş verib. Belə ki, xidməti maşınla təmizlik şirkəti əməkdaşlarını daşıyan mikroavtobus toqquşub.
Sputnik Azərbaycan "Anadolu"ya istinadən xəbər verir ki, hadisə nəticəsində 9 nəfər xəsarət alıb. Yaralılar ətrafdakı xəstəxanalara çatdırılıb.
Əraziyə polis, yanğınsöndürənlər və təcili yardım briqadası cəlb olunub.
Qəza limanın işində problemə səbəb olmayıb.