Şahpəri Abbasova, Sputnik Azərbaycan
BAKI, 26 oktyabr — Sputnik. Qax rayonunun bəzi kəndlərində yararsız elektik dirəkləri dəyişdirilib. Bu barədə Sputnik Azərbaycan-a Qax rayon elektrik şəbəkəsinin baş mühəndisi Azad Yusifov məlumat verib.
O bildirib ki, Qax rayonunda Sovet dövründən qalan elektrik dirəkləri metal boru dayaqlarla əvəz olunub. Rayonunun Kötüklü və Əlibəyli kəndlərində 04 kilovatlıq açıq naqillə gedən elektrik xətləri kabel xətləri ilə əvəz olunub. Sayğac dəstləri tam yenilənib.
Təmir rayonun Güllük, Qum və Ləkit kəndində də baş tutacaq. Proses 2019-cu ilin sonuna qədər bitəcək.