BAKI, 25 oktyabr — Sputnik. Türkiyənin Əskişəhir bölgəsində FETÖ terror təşkilatına üzv olmaqda şübhəli bilinən azərbaycanlı saxlanılıb. Sputnik Azərbaycanxarici mətbuata istinadla xəbər verir ki, Biləcik bölgəsində aparılan istintaq çərçivəsində azərbaycanlı A.H. "terror təşkilatına üzv olmaq" ittihamı ilə həbs edilib.
Ərazi polis idarəsinin terrorla mübarizə şöbəsinin qrupları şübhəlini şəhər mərkəzində həyata keçirilən əməliyyat zamanı yaxalayıb.
Şübhəlinin ifadəsi alındıqdan sonra Biləcik bölgəsinə göndəriləcəyi qeyd edilib.