BAKI, 11 oktyabr — Sputnik. Terrorizmlə güzəştsiz mübarizə Rusiya siyasətinin prioriteti olaraq qalır. Məhz bu cür prinsipial yanaşmalar Rusiyanın kəskin regional münaqişələrdə fəaliyyətinin əsasında dayanır. Sputnik Azərbaycan "Vesti.ru"-ya istinadən xəbər verir ki, bunu Rusiya prezidenti Vladimir Putin bildirib.
Rusiya prezidenti vurğulayıb ki, Suriyada dövlətçilik qorundu və beynəlxalq terrorçuluğa ciddi zərbə vuruldu.
Putin əlavə edib ki, Rusiya Astana formatında olan tərəfdaşları ilə birgə Suriyada Konstitusiya Komitəsinin formalaşdırılması üzrə iş aparır.