BAKI, 9 oktyabr — Sputnik. Beynəlxalq Valyuta Fondu (BVF) 2018-2019-cu il üçün Türkiyənin iqtisadi artım proqnozunu aşağı salıb.
Sputnik Azərbaycan "Bloomberght"ə istinadla xəbər verir ki, BVF, 2018-ci il üçün Türkiyənin iqtisadi artım proqnozunu 4,2 faizdən 3,5 faizə, 2019-cu il üçün isə iqtisadi artım proqnozunu 4 faizdən 0,4 faizə salıb.
BVF, səbəb olaraq zəif lirəni, yüksək borclanma və iqtisadiyyatda yüksək qeyri-müəyyənliyi göstərib.
Hesabatda Türkiyə iqtisadiyyatının geosiyasi risklərə və sərmayə axınındakı ani hərəkətlərə yüksək dərəcədə həssas olmağa davam etdiyi qeyd edilib.