BAKI, 4 oktyabr — Sputnik. 2019-cu ildə Ermənistanda müdafiə sahəsinə ayrılan xərclər artacaq. Sputnik Ermənistan xəbər verir ki, bunu maliyyə naziri Atom Cancuqazyan bildirib.
O, xatırladıb ki, 2016-cı ildə qəbul olunan büdcə qaydasına əsasən ölkənin dövlət büdcəsindən müdafiə xərcləri ÜDM-dən 4% aşağı ola bilməz.
Müvafiq olaraq "hərbi ehtiyaclarım təmin olunması" maddəsi üzrə xərclər 2018-ci ilə nisbətdə 256 milyard dram (530 milyon dollardan bir az çox) və 12% çox olacaq.
Bundan əlavə, Rusiyadan əldə olunacaq müdafiə krediti çərçivəsində 42,8 milyard dramın (təxminən 89 milyon dollar) xərclənməsi nəzərdə tutulur. Bu vəsait hesabına Rusiya istehsalı olan mühəndis və avtomobil texnikası alınacaq.