BAKI, 29 sentyabr — Sputnik. Türkiyədə dəhşətli hadisə baş verib. Sputnik Azərbaycan xəbər verir ki, Ankarada yaşayan Əfqanıstan əsilli Ajmal Amani cinayət hadisəsi törədib. 2 uşaq atası olan 27 yaşlı Ajmal Amani sevgilisi ilə münasibətdə olan Ansar Yousefini bıçaqlayıb. O, Ansara 32 dəfə bıçaq vurub.
Cəsədi çarpayının yük yerinə qoyaraq binadan çıxarıb və dağlıq sahəyə atıb. Özü isə ölkədən qaçmağa hazırlaşıb. Çarpayının dolabı ilə cəsədi aparması kameralara düşüb. Bu zaman polis onu saxlayıb.