BAKI, 25 sentyabr — Sputnik. ABŞ İrana qarşı sanksiya siyasətini davam etdirəcəyi təqdirdə rəsmi Tehran Fars körfəzini bağlaya bilər. Sputnik Azərbaycan xəbər verir ki, bunu İran prezidenti Həsən Ruhani "NBC" telekanalına müsahibəsində deyib.
Jurnalistin "İran neft daşımalarının qarşısını almaq üçün Fars körfəzini bağlayacağına dair təhdidləri həyata keçirə bilərmi" sualına Ruhani belə cavab verib: "Əgər Birləşmiş Ştatlar sanksiyaların köməyi ilə İranın neft sənayesini məhdudlaşdırmaq istəyirsə, bu, şübhəsiz İran tərəfinin müvafiq reaksiyasına səbəb olacaq".
Jurnalist İran prezidentindən "Donald Tramp bunu xəbərdarlı kimi qəbul etməlidir?" — deyə soruşub və belə bir cavab alıb: "Bu, xəbərdarlıq deyil, reallıqdır. Əgər Fars körfəzində gəmi yolları açıq və təhlükəsiz olmalıdırsa, onda bu, hamı üçün belə olmalıdır".