BAKI, 18 sentyabr — Sputnik. Rusiya Maliyyə Nazirliyi VTB-nin rəhbəri Anderey Kostinin iqtisadiyyatı dollarsızlaşdırma planını dəstəkləyib. Sputnik Azərbaycan Rusiya mətbuatına istinadla xəbər verir ki, bu barədə nazir müavini Aleksey Moiseyev məlumat verib.
"Heç kim dollara qadağa qoyulmasını təklif etmir. Söhbət ondan gedir ki, dollar bizim adi iş dövriyyəmizin elementi olmamalıdır" – deyə məmur bildirib.
Moiseyevin sözlərinə görə, üçüncü ölkələrlə hesablaşmalar milli valyutalarla aparılmalıdır. Rusiya təşkilatları arasında xarici valyuta ilə hesablaşmalar minimuma endirilməlidir.
Xatırladaq ki, ölkənin ən böyük banklarından birinin rəhbəri Andrey Kostin Rusiyanın dollardan imtina etməsinin tam planını təklif edib. Onun fikrincə, Amerika valyutasının hegemonluğunu yıxmaq üçün 3-4 maddə kifayətdir.
Kremldən mövzu ilə bağlı şərh verilməyib.