BAKI, 29 avqust — Sputnik. ABŞ-da 5 sentlik sikkə 4,5 milyon dollara satılıb. Sputnik Azərbaycan Rusiya mətbuatına istinadla xəbər verir ki, unikal 5 sentlik 1913-cü ildə buraxılıb. Sikkə Filadelfiyada hərracda 4,56 milyon dollara satılıb.
"Bu tarixdə xüsusi yerə malik ola biləcək bir satış idi. İndi 5 sentliyin yeni sahibi şəxsi əllərdə olan 3 nüsxədən birinə, ABŞ-ın ən dəyərli sikkəsinə sahibdir"-deyə Stak Bowser hərrac evinin rəhbəri Brayan Kendrell bildirib.
O qeyd edib ki, sikkənin alıcısı adının ictimaiyyətə açıqlanmamasını istəyib.