BAKI, 28 avqust — Sputnik. Türkiyə Böyük Millət Məclisinin sədri (TBMM) Binəli Yıldırım Azərbaycana səfər edəcək. Sputnik Azərbaycan TBMM-in rəsmi saytına istinadla xəbər verir ki, səfər rəsmi xarakter daşıyır. Səfərin bu gün axşam saatlarında baş tutacağı bildirilir.
Qeyd edək ki, bu, Binəli Yıldırımın TBMM sədri kimi Azərbaycana ilk səfəri olacaq. Baş nazir vəzifəsində çalışan B.Yıldırım cari il iyulun 12-də parlamentin sədri seçilib.