BAKI, 26 avqust — Sputnik. İranın Kirmanşah vilayətində 6,1 bal gücündə baş verən zəlzələ qurbanlarının sayı artır.
Zəlzələ nəticəsində 2 nəfər ölüb, 232 nəfər xəsarət alıb. Bu barədə İranın Mehr agentliyi Kermanşah əyalətinin Baş Qərargahına istinadla məlumat verib.
Zəlzələ ocağının 9-10 kilometr dərinlikdə yerləşdiyi bildirilir. Yeraltı təkanlar İraqın paytaxtı Bağdadda da hiss olunub.