Son həftələrdə informasiya resurslarında, sosial şəbəkələrdə Abşeron yarımadasının sahil hissəsinin çirklənməsi ilə bağlı süjetlər yayılmaqdadır. Eyni zamanda sosial mediada digər ekoloji problemlərə diqqətin cəlb olunduğu materiallara da rast gəlinir.
Son onilliklər ərzində ölkədə həyata keçirilən ətraf mühitin müdafiəsinə həsr olunmuş çoxsaylı tədbirlər nəticəsində Abşeronda və Azərbaycanın digər ərazilərində ekoloji vəziyyət xeyli yaxşılaşıb.
Hazırda ölkədə ətraf mühitin müdafiəsi istiqamətində hansı addımların atıldığı barədə avqustun 27-də saat 15:00-da Sputnik Azərbaycan Multimedia Mətbuat Mərkəzində "Azərbaycanda ekoloji vəziyyət: köhnə problemlər necə həll olunur?" mövzusunda keçiriləcək mətbuat konfransında söhbət açılacaq. İştirak edəcəklər:
Milli Ekoloji Proqnozlaşdırma Mərkəzinin rəhbəri Telman Zeynalov,
Yaşıllar Hərəkatının sədri Fəridə Hüseynova,
Bakı Dövlət Universitetinin professoru, əməkdar jurnalist Qulu Məhərrəmli,
"İnternyus-Azərbaycan"ın məsul əməkdaşı Məhərrəm Diniyev.
Tədbirə Ekologiya və Təbii Sərvətlər Nazirliyinin nümayəndələrinin də qatılması gözlənilir.
Əlaqə üçün
Telefonlar: 404-13-84/85
E-mail: i.velizade@rian.ru.
Ünvan: Mətbuat prospekti, 529 məhəllə, bina 23 M, 4-cü mərtəbə, Beynəlxalq Mətbuat Mərkəzinin binası.