BAKI, 22 avqust — Sputnik. "Mitsubishi" markalı xidməti polis maşını M-05 Kiyev-Odessa avtomagistralı ilə hərəkət zamanı yolu keçməyə çalışan piyadanı vurub öldürüb.
Sputnik Azərbaycan Ukrayna mətbuatına istinadən xəbər verir ki, piyada yolun kənarındakı beton maneənin üstündən qəfildən tullanıb və maşının altına düşüb. Bu barədə patrul polisinin mətbuat xidmətindən bildiriblər.
Mənbə əlavə edir ki, aldığı xəsarətlərdən elə hadisə yerində ölmüş piyada Azərbaycan vətəndaşıdır.
Hadisə ilə bağlı araşdırma aparılır.