BAKI, 17 avqust — Sputnik. Rəsmi Moskva Rusiyanın diplomatik nümayəndəliklərinə qarşı beynəlxalq hüququn pozulmasına görə Vaşinqtona etiraz notası yollayıb. Sputnik Azərbaycan "RİA Novosti"yə istinadən xəbər verir ki, bu barədə Rusiya Xarici İşlər Nazirliyi məlumat yayıb.
"Birləşmiş Ştatların Rusiya Federasiyasının ABŞ ərazisində diplomatik nümayəndəlikləri və konsulluq binalarına münasibətdə beynəlxalq hüququn kobud şəkildə pozulması ilə bağlı Rusiya Xarici İşlər Nazirliyi Dövlət Departamentinə qətiyyətli şəkildə etiraz bildirib. Diplomatik kanallar vasitəsilə müvafiq quruma nota verilib", — deyə məlumatda bildirilir.