BAKI, 14 avqust — Sputnik. Rusiya və Türkiyə xarici siyasət sahəsində strateji tərəfdaşlığı genişləndirməyə dair razılığa gəlib. Sputnik Azərbaycan xəbər verir ki, bunu Türkiyədə səfərdə olan Rusiyanın xarici işlər naziri Sergey Lavrov bildirib.
"Biz ölkələrimizin xarici siyasət sahəsində strateji tərəfdaşlığın genişləndirilməsinə dair razılığa gəldik. Hesab edirəm ki, biz qarşılıqlı əlaqələrin konkret aspektlərini müzakirə edəcəyik", — deyə Lavrov qeyd edib.
Onun sözlərinə görə, Türkiyəyə qarşı da daxil olmaqla ABŞ-ın tətbiq etdiyi sanksiyalar dünya ticarətində bütün prinsipləri pozur: "Sanksiyalar barədə mən daha əvvəldə demişdim: Onlar qanunsuzdur, onlar beynəlxalq ticarətin bütün prinsiplərini pozur".