BAKI, 7 avqust — Sputnik. Almaniyada məhkəmə oğlunu pedofilə satan ananı 12,5 il azadlıqdan məhrum edib. Sputnik AzərbaycanRusiya mətbuatına istinadla xəbər verir ki, Frayburq məhkəməsi illərlə övladlarından sui-istifadə edən valideynlər barədə hökm verib. Məlumata görə, 48 yaşlı Berrin T. 12,5 il, onun 39 yaşlı sevgilisi Kristian isə 12 il azadlıqdan məhrum eidlib. Cütlük 60-dan çox seksual xarakterli cinayətlə ittiham edilir.
İstintaq məlumatlarına görə, cütlük iki il öz oğlanlarını zorlayıb, əcnəbilərə və sosial şəbəkə istifadəçilərinə seksual istəklərinin qarşılanması üçün təklif edib.
Bundan əlavə yaxınlarının 3 yaşlı qızı da bu cütlüyün qurbanına çevrilib. Məhkəmənin qərarına görə cütlük zərərçəkmişə 42 500 avro ödəməlidir.
Cütlük öz günahını etiraf edib. İş üzrə 8 nəfər həbs edilib. Uşaq məhkəmədə iştirak etməyib, hazırda himayədar ailədə tərbiyə edilir.