BAKI, 6 avqust — Sputnik. İsveçrədə dünyanın ən tanınmış aşbazı 74 yaşlı fransalı şef-aşbaz Joel Robyuşon dünyasını dəyişib. Sputnik Azərbaycan Rusiya mətbuatına istinadla xəbər verir ki, Robyuşon müəssisələrinə rəhbərlik 32 prestijli kulinariya mükafatı alan yeganə aşbaz olub.
Aşbazın ölüm səbəbi onkoloji xəstəlikdir.
Qeyd edək ki, Joel Robyuşon 1945-ci ildə Fransanın Puatye şəhərində doğulub. Mətbəxdə çalışmağa isə 15 yaşından başlayıb. 28 yaşında o şef-aşbaz vəzifəsini tutub. 1981-ci ildə Robyuşon öz ilk restoranını açıb. 1984-cü ildə isə Mişlendən 3 ulduz alan gənc aşbaz olub. Müxtəlif kulinar mükafatlar, eyni zamanda Ceyms Birddən "Ən yaxşı yeni restoran" nominasiya üzrə mükafat alan Robyuşon cəmi 10 restoran açıb. Onun tələbələri arasında məşhur teleulduz Qordon Remzi də var.