Mərasimdə Azərbaycan, Rusiya, Qazaxıstan və İran Hərbi Dəniz qüvvələrinin komandaları iştirak edib. Onlar açılış mərasiminə hərbi orkestrin müşayiəti altında dövlət bayraqları ilə daxil olublar.
Mərasimdə IV Beynəlxalq Ordu Oyunlarının və "Dəniz kuboku — 2018"-in bayraqları qaldırılıb.
"Ordu-2018" Oyunları yeddi ölkənin — Rusiya, Azərbaycan, Ermənistan, Belarus, İran, Qazaxıstan və Çinin ərazisində təşkil edilir. Bütün oyunlarda 33 ölkənin komandaları iştirak edəcək. İyulun 28-dən avqustun 11-dək ümumilikdə 28 müsabiqə təşkil olunacaq.