BAKI, 28 iyul — Sputnik. İsrailin Azərbaycandakı səfiri Dan Stav ölkənin şimal-qərb bölgəsinə səfər edib.
Bu barədə Sputnik Azərbaycan-a İsrailin Azərbaycandakı səfirliyindən bildirilib.
Məlumata əsasən Balakən, Zaqatala, Qax rayonlarına 3 gün davam edən səfərin məqsədi bölgələrin iqtisadi gündəmi ilə daha yaxından tanış olmaq və İsrailin özəl sektoru və bu bölgələr arasında artıq mövcud olan əlaqələri daha da inkişaf etdirmək olub.
Səfir bölgələrdəki inkişaf və artan iqtisadi fəaliyyət, xüsusən də qida sənayesi, zəngin çox mədəniyyətli irsin qorunması və müxtəlif etnik və dini icmaların sülh şəraitində yaşamasına dair görülən işləri yüksək qiymətləndirib.