Hikmət Hacıyev: Məsləhətləşmələr konstruktiv və qarşılıqlı anlaşma şəraitində keçdi
“Rusiya ilə Azərbaycan Xarici İşlər Nazirlikləri arasında fəaliyyət planı mövcuddur və bu plana əsasən, iki ölkə XİN-ləri arasında intensiv məsləhətləşmələr aparılır”. Sputnik Azərbaycan xəbər verir ki, bunu məsləhətləşmələrin yekunları barədə danışan Azərbaycan Xarici işlər Nazirliyinin mətbuat xidmətinin rəhbəri Hikmət Hacıyev deyib.
O bildirib ki, informasiya sahəsində aparılan məsləhətləşmələr konstruktiv və qarşılıqlı anlaşma şəraitində keçib.
İyulun 27-də Bakıda Azərbaycan və Rusiya Xarici İşlər Nazirlikləri arasında xarici siyasət sahəsində informasiya təminatı mövzusunda məsləhətləşmələr keçirilib. Məsləhətləşmələrdə Azərbaycan Xarici İşlər Nazirliyinin mətbuat xidmətinin rəhbəri Hikmət Hacıyev və Rusiya XİN-in xüsusi nümayəndəsi Mariya Zaxarova iştirak edib.