BAKI, 26 iyul — Sputnik. Dünən axşam saat 17.30 radələrində Sumqayıtda fəaliyyət göstərən polad emalı sexlərindən birində partlayış olub. Sputnik Azərbaycan xəbər verir ki, partlayış benzin çəni doğranarkən baş verib.
Hadisə zamanı 1964-cü il təvəllüdlü Qurbanov Ağaməli Mirzəbala oğlu ağır yanıq xəsarətləri ilə Respublika Yanıq Mərkəzinə çatdırılıb. Bu gün səhər 8.30 radələrində isə xəstə xəstəxanada dünyasını dəyişib.
Sumqayıt şəhər hüquq-mühafizə orqanlarından Sputnik Azərbaycan-a verilən məlumata görə, partlayış zamanı Ağaməli Qurbanovun bədəninin 85 faizi yanıb.
Onun Masallı rayon sakini olduğu və Sumqayıtda kirayə yaşadığı bildirilir.