BAKI, 23 iyul — Sputnik. Kanadada naməlum şəxs insanlara atəş açıb. Bu barədə Sputnik Azərbaycan "Anadolu agentliyi"nə istinadən xəbər verir.
Məlumata görə, hadisə Torontonun "Greektown" məhəlləsində baş verib. Hadisə nəticəsində 2 nəfər ölüb, 13 nəfər yaralanıb. Yaralılar dərhal xəstəxanaya yerləşdirilib. Yaralılar arasında uşaq da var.
Hazırda hadisə yerində hüquq-mühafizə orqanları işləyir. Hadisənin təfərrüatı açıqlanmır.