BAKI, 16 iyul — Sputnik. Rusiya prezidenti Vladimir Putinlə amerikalı həmkarı Donald Tramp arasında Finlandıyanın paytaxtı Helsinkidə görüş başlayıb. Sputnik Azərbaycan xarici mətbuata istinadən xəbər verir ki, görüşün 3 saat davam edəcəyi gözlənilir.
Liderlərin əvvəlcə təkbətək görüşəcəyi, sonra nümayəndə heyətləri arasında müzakirə başlayacağı bildirilir. Daha sonra Putinlə Tramp görüşün yekununa dair birgə mətbuat konfransı keçirəcək.
Qeyd edək ki, prezidentlərin gündəmində, əsasən Suriya və Ukrayna ilə bağlı məsələlərin müzakirəsi dayanır.