Şahpəri Abbasova, Sputnik Azərbaycan
BAKI, 9 iyul — Sputnik. Balakən sakinini zəhərli böcək sancıb. Sputnik Azərbaycan-ın bölgə müxbiri xəbər verir ki, hadisə rayonunun Katex kəndində baş verib.
Kənd sakini Arif Hacıyev otlaqda işləyən zaman onu həşərat dişləyib. Böcək zəhərli olub və kişini qarın nahiyəsindən sancıb.
Xəstəyə ilkin yardım edildikdən sonra Zaqatala Mərkəzi Rayon Xəstəxanasına (MRX) yerləşdirlib. Onun vəziyyəti orta-ağır qiymətləndirilir.