BAKI, 8 iyul — Sputnik. Türkiyədə Uzunkörpü-İstanbul sərnişin qatarı relslərdən çıxıb. Sputnik AzərbaycanSözçü-yə istinadla xəbər verir ki, qəza nəticəsində ölən və yaralananlar var.
Qəza Tekirdağda baş verib. Qatarın ən azı 6 vaqonu relsdən çıxaraq, aşıb. Tekirdağ valisi Mehmet Ceylan hadisə nəticəsində xeyli yaralı olduğunu bildirib: "Ölənlər də var. Amma hazırda dəqiq rəqəm deyə bilmərəm".
Hadisə yerinə xeyli sayda xilasetmə qrupları və təcili yardım avtomobilləri göndərilib.
Ərazidə xilasetmə işləri davam edir.