BAKI, 8 iyul — Sputnik. Ermənistanın sabiq prezidenti Serj Sarqsyanın qardaşı Levon Sarqsyan qeyri-qanuni yolla zənginləşmə və əmlakına dair bəyannamə təqdim etməkdən boyun qaçırmaqda ittiham edilərək barəsində axtarış elan edilib.
Sputnik Ermənistan-ın verdiyi xəbərə görə, bu barədə Ermənistan Xüsusi İstintaq Xidmətinin məlumatında bildirilir.
Bundan başqa, analoji ittiham üzrə Levon Sarqsyanın qızı Ani Sarqsyan barəsində də axtarış elan edilib.
Məhkəmə Levon Sarqsyan barəsində həbs qətimkan tədbiri seçib, Ani və onun qardaşı Narek barəsində isə ərazini tərk etməmə qərarı çıxarıb.