BAKI, 2 iyul — Sputnik. İyunun 30-da Astarada kütləvi zəhərlənmə olub. Sputnik Azərbaycan-ın bölgə müxbirinin əldə etdiyi məlumata əsasən, zəhərlənmə faktı “Şahin” adlı şadlıq sarayında qeydə alınıb.
Belə ki, 22 nəfər zəhərlənmə diaqnozu ilə Astara Rayon Mərkəzi Xəstəxanasına çatdırılıb. Zəhərlənən şəxslərin əksəriyyətinə tibbi yardım göstərildikdən sonra onlar evə buraxılıblar.
Məlumat üçün bildirək ki, zəhərlənmənin salat yedikdən sonra baş verdiyi ehtimal edilir.