BAKI, 28 iyun — Sputnik. ATƏT-in fəaliyyətdə olan sədrinin şəxsi nümayəndəsinin mandatına uyğun olaraq, bu gün Azərbaycan və Ermənistan dövlət sərhədində növbəti monitorinq keçirilib. Sputnik Azərbaycan Müdafiə Nazirliyinə istinadən xəbər verir ki, Qazax rayonu istiqamətində keçirilən monitorinq insidentsiz başa çatıb.
Qeyd edək ki, monitorinqi Azərbaycan tərəfindən ATƏT-in fəaliyyətdə olan sədrinin şəxsi nümayəndəsinin səhra köməkçiləri Oqnyen Yoviç və Gennadi Petrika keçiriblər.
Ermənistan tərəfindən isə şəxsi nümayəndənin səhra köməkçiləri Saymon Tiller və Martin Şuster iştirak ediblər.