BAKI, 22 iyun — Sputnik. Dünən axşam saatlarında ABŞ-ın Minnesota ştatında prezident Donald Tramp mühacir problemi və onun həlli yollarına dair brifinq keçirib. Sputnik Azərbaycan-ın məlumatına görə, brifinqin bir məqamında bir qrup şəxs prezidentin sözlərini kəsərək onunla mübahisə etməyə başlayıb. Donald Tramp isə etirazçılardan birini hədəf alaraq onunla sərt zarafat edib: "Bu kişidir, yoxsa qadın? Mən başa düşə bilmədim. Onun saçını qırxmaq lazımdır".
Bunun ardınca Tramp həmin qrupu zaldan çıxarmağı əmr edib.
Bir müddət öncə Tramp saxlanılmış qeyri-leqal mühacirlərin ailələrindən ayırmağı qadağan edən fərman imzalayıb. Fərmanla Ədliyyə Nazirliyi məhkəməyədək qeyri-leqal mühacirin ailəsini qalması üçün yerlə təmin etməlidir.