BAKI, 22 iyun — Sputnik. Şotlandiya qəribə hadisə baş verib. Sputnik AzərbaycanTürkiyə mediasına istinadən xəbər verir ki, 40 yaşlı Endi Mitçel 21 yaşlı Meqan adlı qadınla evlənib. Meksikada keçirilən bu toy Endiyə 30 min dollara başa gəlib. Amma bu evlilik Endinin istədiyi kimi olmayıb. Belə ki, subaylığa vida partisində gəlin başqa kişi ilə tanış olub və onunla sevgili olmağa başlayıb. Meqan 6 gün sonra həmin kişi ilə birlikdə yaşamaq üçün evdən qaçıb.
3 iyunda toyu olan Endi bu xəbəri biləndən sonra sosial şəbəkələrdə bu statusu paylaşıb: "3 iyunda ailə həyatı qurdum və 6 gün sonra həyat yoldaşım Meqan Mitçelin subaylığa əlvida partisində bir kişi ilə sevgi münasibəti qurduğunu və bu münasibətin biz ailə qurandan sonra da davam etdiyini öyrəndim".
Endi nişan üzüyünü 400 sterlinqə satacağını bəyan edib.