Şahpəri Abbasova, Sputnik Azərbaycan
BAKI, 5 iyun — Sputnik. Azərbaycanın şimal-qərb bölgəsində zəlzələ baş verib.
Sputnik Azərbaycan-ın bölgə müxbirinin məlumatına görə, yeraltı təkanlar 22:40 radələrində qeydə alınıb. Zəlzələ Zaqatala və Qax rayonları ərazisində daha çox hiss olunub.
Zəlzələnin 4-5, bəzi bölgələrdə hətta 6 bala qədər olduğu güman edilir. Dağıntı və tələfat barədə hələlik məlumat yoxdur. Adı çəkilən rayonlarda bəzi evlərdə çatların əmələ gəldiyi müşahidə edilir. Bölgənin müəyyən yerlərində elektrik kəsilib.