Tofiq Abbasov: “Ərdoğan indiki vəziyyətdə mütləq favorit sayıla bilmir”
“Ölkədə iqtisadi vəziyyət ağırlaşdığına görə, Ərdoğan seçkilərin vaxtını bir il önə çəkdi”. Bunu Sputnik Azərbaycan-a Türkiyədəki seçki qabağı vəziyyəti şərh edərkən politoloq Tofiq Abbasov deyib.
Politoloqun sözlərinə görə, Ərdoğan problemlərini asanlaşdırmaq üçün vaxtından əvvəl seçkilər təyin edib: “Ərdoğan seçkilərdə favorit sayılsa da onu hazırki vəziyyəti ağırdır. Ola bilsin ki, əldə edəcəyi qələbə onun üçün çox ağır olsun. Çünki həm iqtisadi, həm də geo-siyasi sahədə hakim partiyanın uğursuzluqları onun nüfuzunu aşağı salıb. Ona görə də Ərdoğan indiki vəziyyətdə mütləq favorit sayıla bilmir. Əgər Ərdoğan qələbə qazanacaqsa bu çox müəmmalı və problemli qələbə ola bilər”.
İyunun 24-də Türkiyədə prezident və parlament seçkiləri keçiriləcək. Politoloqun geniş şərhinə audiofaylda qulaq asa bilərsiniz