BAKI, 29 may — Sputnik. 74 il əvvəl itən döyüş təyyarəsi tapılıb.
Sputnik Azərbaycan Türkiyə mətbuatına istinadla xəbər verir ki, II Dünya Müharibəsi zamanı Sakit okeana düşən ABŞ döyüş təyyarəsinin qalıqları tapılıb. Pilotun ailəsi isə bu hadisədən illər sonra xəbər tutub.
Təyyarə Project Recover könüllü qrupunun uzaqdan idarə edilən sualtı kamerası vasitəsilə aşkar edilib.
1944-cü ildə itkin düşmüş B-24 bombardman təyyarəsi
© © AP Photo
ABŞ-dan olan pilot, leytenant Tom Kellinin idarə etdiyi təyyarə suyun altında 70 metr dərinlikdə tapılıb. Təyyarə müharibənin davam etdiyi 1944-cü ildə Kaliforniyadan havaya qalxıb. Həmin vaxtdan sonra Kellidən xəbər ala bilməyən ailəsi 74 il sonra onun ölümü barədə məlumat alıb.