BAKI, 24 may — Sputnik. Milli Məclisin Elm və təhsil komitəsinin bu gün keçirilən iclasında "Ümumtəhsil haqqında" qanun layihəsinin hazırlanması məqsədilə yaradılmış işçi qrupun tərkibinin təsdiq edilməsi məsələsinə baxılıb. Sputnik Azərbaycan xəbər verir ki, müzakirələrdən sonra işçi qrupun tərkibi təsdiqlənib.
İşçi qrupun sədri İsa Həbibbəylidir. Komitə sədri İsa Həbibbəyli bildirib ki, qanun layihəsi kifayət qədər əhatəli olacaq.