BAKI, 23 may — Sputnik. Havay adalarında Kilauea vulkanı püskürməkdə davam edir.
Sputnik Azərbaycan Türkiyə mətbuatına istinadla xəbər verir ki, ötən həftələrdə püskürməyə başlayan vulkan hələ də sönməyib. Püskürmə zamanı kənara atılan qaz, daş və lava səbəbilə ərazidən 700 mindən çox insan təxliyə edilib. Məlumata görə, bu günə qədər vulkan püskürməsi zamanı 26 ev dağılıb, 4 tikili məhv olub.
Dünyanın ən aktiv vulkanlarından sayılan Kilavuea vulkanında 1983-cü ildən partlamalar qeydə alınır.