İlham Mustafa, Sputnik Azərbaycan
BAKI, 23 may — Sputnik. Mayın 20-də Azərbaycan-Ermənistan dövlət sərhədinin Naxçıvan Muxtar Respublikası sahəsində düşmən tərəfinin təxribatının qarşısını alarkən şəhid olan əsgər Adil Əli oğlu Tatarov "Şücaətə görə" medalı ilə təltif olunub.
Sputnik Azərbaycan-ın bölgə müxbirinin məlumatına görə, medal bu gün, şəhidin üç mərasimində, Ağstafa rayonunun Qıraq Kəsəmən kəndində şəhidin ailəsinə təqdim olunub. Medalı Adil Tatarovun atası Əli Tatarova müdafiə nazirinin müavini general-leytenant Kərim Vəliyev şəxsən təqdim edib.
Qeyd edək ki, şəhid hərbçimiz anadan olduğu Ağstafa rayonunun Qıraq Kəsəmən kənd qəbiristanlığında dəfn olunub.