Eldar, Tanrıverdiyev, Sputnik Azərbaycan
BAKI, 21 may — Sputnik. "Bugünkü duruma görə mənəvi baxımdan Avropa Şurasında Azərbaycan nümayəndə heyətinin rəhbəri Səməd Seyidovun istefa verməsini düzgün hesab etmirəm".
Sputnik Azərbaycan xəbər verir ki, bunu Mili Məclisin deputatı, ATƏT PA-nın vitse-prezidenti Azay Quliyev Avropa Şurasında sanksiyalarla bağlı Azərbaycan nümayəndə heyətinin rəhbərinin dəyişdirilməsi məsələsinə münasibət bildirirərkən qeyd edib. O bildirib ki, bu, bütövlükdə ədalətsiz, qərəzli, haqsız bir qərardır.
"Bunu bilə-bilə nümayəndə heyətinin rəhbərinin dəyişdirilməsini mənəvi baxımdan düzgün hesab etmirəm. Amma siyasi baxımdan vəziyyətin necə olacağını, yanaşmanın necə olacağını Səməd Seyidov və Azərbaycan hökuməti müəyyənləşdirməli, vəziyyətə uyğun qərar verilməlidir" — millət vəkili vurğulayıb.
"Mənim fikrimcə, sırf mənəvi baxımdan bu, Səməd Seyidova qarşı edilmiş haqsızlıqdır və bu haqsızlığı bilə-bilə onu nümayəndə heyəti rəhbəri vəzifəsindən uzaqlaşdırmaq düzgün deyil. Amma siyasi qərarı Səməd Seyidov və rəhbərlik özü verəcək" — A.Quliyev əlavə edib.