BAKI, 21 may — Sputnik. Suriyanın paytaxtı Dəməşq yaxınlığında İrana məxsus hərbi bazada çox güclü partlayış olub. Sputnik Azərbaycan "Haber7"ə istinadla xəbər verir ki, hərbi bazanı İsrail ordusunun bombaladığı ehtimal olunur. İtkilər barədə məlumat yayılmayıb.
Qeyd edək ki, ötən həftə İsrail qırıcıları Suriyanın Hama şəhəri yaxınlığında hərbi aeroporta raket zərbələri endirib, ən azı 11 hərbçi ölüb. İranın Suriyadakı fəaliyyətini dayandırmaq istəyən Təl-Əviv rəhbərliyi daha əvvəl də Suriyada iranlılara məxsus yerlərə bir neçə dəfə hücumlar təşkil edib.