BAKI, 20 may — Sputnik. Balıkesrin Edremit ilçəsində xalq arasında "kor ilan" olaraq tanınan kərtənkələlər nəsli tükənmək təhlükəsi ilə üz-üzədir. Sputnik Azərbaycan Türkiyə mediasına istinadən xəbər verir ki, "kor ilan"lar insanlar tərəfindən ilan bilindikləri üçün öldürülürlər.
Mütəxəssislər bildirir ki, insanlar ayaqları olmadığı üçün "kor ilanı" kərtənkələ yox, ilan hesab edirlər. Amma bu kərtənkələləri ilanlardan fərqləndirən cəhətlər var. Məsələn ilanların göz qapaqları olmur, amma kərtənkələnin var. Dərisində xüsusi ciziqlar olur, zəhərsizdir və dişləmir.
Mütəxəssislər bildirib ki, onların nəsli tükənməkdə olduğu üçün qəti şəkildə öldürülməməlidirlər.