Rahim Zakiroğlu, Sputnik Azərbaycan
BAKI, 20 may — Sputnik. Xəbər verdiyimiz kimi, bu gün Dövlət İmtahan Mərkəzi 2018-2019-cu tədris ili üçün Azərbaycan Respublikasının ali təhsil müəssisələrinə qəbul olunmaq istəyən abituriyentlər üçün I və IV ixtisas qrupları üzər qəbul imtahanı keçirib.
Keçirilən imtahanlar Respublikanın 11 şəhərində baş tutub. İmtahanlarda Bakı şəhərində 15077, Naxçıvanda 975, Gəncədə 3438, Sumqayıtda 2162, Mingəçevirdə 1555, Şəkidə 2029, Bərdədə 1193, Göyçayda 1492, Şirvanda 1739, Xaçmazda 1496 və Lənkəranda isə 1496 abituriyentin iştirakı nəzərdə tutulub.
Sputnik Azərbaycan-ın bölgə müxbiri xəbər verir ki, Lənkəranda I və IV ixtisas qrupları üzrə keçirilən imtahanlar 4 binada baş tutub. Qeyd edək ki, Lənkəranda imtahanları ümumilikdə 15 imtahan rəhbəri və 166 nəzarətçi müəllim izləyib.