Yüksək moda həftəsi olan Azerbaijan Fashion Week Bakıda start götürüb. Moda həftəsi çərçivəsində tamaşaçılara yerli və xarici dizaynerlərin 2018-2019-cu illər payız-qış mövsümü kolleksiyası təqdim olunur.
Azərbaycan Xalq Cümhuriyyətinin 100 illiyinə həsr olunmuş Azerbaijan Fashion Week, Fairmont Baku Flame Towers hotelində nümayişə başlayıb.
Bakıdakı moda həftəsinin açılışını qazaxstanlı dizayner Alex Chzhen edib. Burada Mak Mari gürcü moda evi kolleksiyası, eləcə də qazax dizaynerlər Yerlan Zholdasbek və Di Siitovanın kolleksiyaları təqdim edilib. Moda səhnəsində azərbaycanlı dizaynerlərin Jemma Aleksander, Forte Fashion, Ajour və Kengerli brendləri də nümayiş olunub.
Moda həftəsində Azərbaycanın əməkdar incəsənət xadimi, məşhur dizayner Fəxriyyə Xələfovanın unikal özbək ipəyi — ikatadan tikilmiş kolleksiyası da əksini tapıb.
Azerbaijan Fashion Week-də moda həftəsini hedlaynerləri — məşhur fransız dizayner Patrik Boff və populyar Mərakeş dizayneri Kərim Tassi olub.
Sputnik Azərbaycan Azerbaijan Fashion Week-in informasiya tərəfdaşıdır.