BAKI, 7 may — Sputnik. Rusiya prezidenti Vladimir Putinin andiçmə mərasimindən sonra Nazirlər Kabineti istefa verib.
Sputnik Azərbaycan "RİA Novosti"yə istinadən xəbər verir ki, baş nazir Dmitri Medvedyev yeni seçilmiş prezident qarşısında hökumətin buraxılması ilə bağlı sərəncam imzalayıb.
Bu arada dördüncü dəfə Rusiya prezidenti seçilən Vladimir Putin baş nazir vəzifəsinə Dmitri Medvedyevin namizədliyini Dövlət Dumasına təqdim edib.
Qeyd edək ki, dördüncü dəfə Rusiya prezidenti seçilən Vladimir Putinin bu gün inauqurasiyası keçirilib. Andiçmə mərasimi 5 min qonağın iştirakı ilə Böyük Kreml sarayında baş tutub. Putin Rusiya Konstitusiyasına əl basaraq and içib. Dövlət himni səsləndikdən sonra prezident vətəndaşlara müraciət edib.