BAKI, 1 may — Sputnik. Milli Məclisin bu gün keçirilən plenar iclasında parlament komitələrinin yeni üzvlərinin seçilməsi məsələsinə baxılıb.
Sputnik Azərbaycan xəbər verir ki, Milli Məclisin Daxili Nizamnaməsinin 36-cı maddəsinə uyğun olaraq, Azər Camal oğlu Badamov və Eldəniz Adil oğlu Səlimov Milli Məclisin Gənclər və idman komitəsinin, Hüseynbala Fazil oğlu Mirələmov Milli Məclisin Mədəniyyət komitəsinin üzvü seçiliblər.
Parlamentin qərarı səsə qoyularaq qəbul edilib.