BAKI, 1 may — Sputnik. Millət vəkili Qüdrət Həsənquliyev parlamentin bu gün keçirilən plenar iclasında Qarabağla bağlı Milli Məclisin xüsusi iclasının çağırılmasını təklif edib.
Sputnik Azərbaycan xəbər verib ki, millət vəkilinin sözlərinə görə, təxribatçılar cəbhədə atəşkəsi iri miqyasda poza bilərlər: “Qərar qəbul edib torpaqlarımızın azad olunması üçün imkanlardan vaxtında istifadə etməliyik. Çünki Ermənistanda tezliklə vətəndaş müharibəsinin baş verməsi gözlənilir. Vəziyyəti diqqətlə izləməliyik”.
Parlamentin sədri Oqtay Əsədov isə bildirib ki, Azərbaycan ordusu istənilən təxribatın qarşısını almağa hazır vəziyyətdədir və narahatlığa əsas yoxdur.